شرح الـData Center

مقال من المهندس Mohamed Maher Nasr:

#الداتا_سنتر #Data_Center
فى أبسط صورها و باختصار دى من اسمها كدا مكان بيتحط فيه الداتا !
أزاى يعنى !!
مانا ممكن أحط الداتا بتاعتى على الجهاز عندى أو على فلاشه أو على اسطوانه اشطة !!
يبقى لزمتها إيه الداتا سنتر بقي !!
مبدأيا أنا مش بتكلم عن الداتا بتاعتك الشخصية ال ممكن يكون مسحاتها بالكتير أوى 1 تيرا و ممكن لو ضاعت ترجعها أو تجيبها من حد صاحبك !!
إنما هى مخصصة للشركات الكبيرة جدا..
فهى باختصار
مكان مخصص عشان تحط فيه السيرفرات دى عشان تحافظ على الداتا دى و تكون ديما متاحة فى أى وقت ومن أى مكان
و تتوفر فيه شوية عوامل منها
→ درجة حرارة منخفضة جدا و دا عن طريق تزويدها بمكيفات مركزية ضخمة جدا و تيار بارد بيمر بانتظام دورى عشان السيرفرز الموجودة متسخنش و بالتالى كفائتها مش تقل و ممكن تبقى Down فجأة
→ تيار كهربي دائم و خطط إحتياطية لتوفير الطاقة الكهربية عن طريق إستخدام مجموعات ضخمة من #Ups عشان توفر كدا
→ سرعة إنترنت رهيبة جدا ممكن توصل ل 100 ميجا للسيرفر الواحد عشان وديما بيكون الإنترنت كونكشن دا #Reliable و مستحيل يفصل
→ المكان نفسه مجهز لحدوث أى كوارث طبيعية زى الزلازل أو خلافه و أى حرايق أو كوارث تانية ممكن تحصل !
و حاجات كتيرة جدا لازم تكون متوفرة فى الداتا سنتر عشان يبقى اسمها داتا سنتر !
=========================================
كل الشركات الكبيرة لها داتا سنتر أو اكتر من داتا سنتر و فى أماكن مختلفة و فى قارات ومواقع جغرافية مختلفة عشان لو حصل أى كارثه زى بركان أو فيضان الداتا تفضل محفوظة و متاحه فى أماكن تانية فى أى وقت
زى #الفيس_بوك و #جوجل و #ميكروسوفت و #راك_سبيس
كل دول لهم الداتا سنترز بتاعتهم و فيها السيرفرات الخاصة بيهم الـ عليها الداتا بتاعتهم
-----------------------------------------------------------------------------------
الداتا سنتر بتتكون من كذا جزء من الناحية التكنكال أو من نظرة #IT #Infrastructure من أهم المكونات أو ممكن نقول عليها الطبقات الموجودة فى الداتا سنتر
1-#Servers
و دى ال بيتم عليها ال Processing بتاعة الداتا الموجودة و دى قد تكون #Windows_Server#Linux_Servers #Unix_Servers

2-#Network
عشان تقدر توصل للداتا بتاعتك و عشان السيرفرات يكون فيه أتصال بينها و دا غالبا بيكون #Cisco#Juniper

3-#Storage
و دا عشان الداتا فعليا تتخزن عليه و دا غالبا بيكون #EMC

4-#Applications
و دى الأبليكشنز ال بتكون موجودة على السيرفرات سواء كانت #داتا_بيز أو #أبليكشن_سيرفر أو غيره... !

لحد كدا كانت الداتا سنترز زمان كان كل سيرفر عليه حاجة واحدة بس و كانت فيه #Resources كتير بتضيع لحد ما ظهرت الـطبقة الجديدة أو التكنولوجى الجديدة و هى...

5-#VT #Virtualization
بقى الداتا سنتر بدل ماهى مبنية على Dedicated Servers بقت مبنية على #Virtual_Serversباستخدام #VMware_ESXI أو #MS_HyperV أو #Xen_Citrix أو #RHEV و غيرهم
الكلام دا كان لحد تقريبا 2010 لحد ما بدأ أستخدام ...

6-#Cloud
الداتا سنتر بقت مبنية على الكلاود باستخدام منتجات كتيرة جدا زى
#VcloudDirector #Open_Stack #Windows_Azure #AWS وفيه شركات كتيرة اشتغلت فى النقطة دى و تعتبر #Amazon هى الليدر فى النقطة دى
لحد كدا تمام
======================================
أنا ممكن أبقى إيه فى الداتا سنتر؟
1-System Engineer #Linux #Windows #UNIX
2-Network Engineer #Cisco #Juniper
3-Storage Admin #EMC
4-Data Center Engineer #Infrastructure
5-Application Support Engineer
6-Virtualization Administrator
7-Cloud Administrator
8-Database Administrator
9-Solution Architect
10-Security Specialist
11-Hardware Engineer

و غيرهم
طيب أبدا ازاى و أعمل إيه ؟
الجزء الثاني:

https://itnecourses.blogspot.com/2018/12/data-center_17.html