وصف لأمتحان CCNA

السلام عليكم.. انا الحمدلله نجحت في امتحان ال ccna 200-125 بدرجه 880 من 1000 .. شويه حاجات بس ممكن تفيد الناس اللي ناويه تمتحن.. و غلطات انا عملتها ف تاخدو بالكو منها...

* اول ما بيبداء الامتحان بيجبلك زي شرح ازاي تحل الاسئله و ازاي تجاوب علي اللابات و الدراج و دروب و... ( ابوس ايدك متفوتش الشرح والله ممكن حاجه توقعك و متخدش بالك منها) ... ملحوظه وقت الشرح ده مش بيسحب من وقت الامتحان....

* الزمن عندك ساعتين خليك هادي وانت بتحل و في نفس الوقت متنامش في السوال ( متقعدليش في سوال عليه 20 درجه يوم ما يتمعظم و تسيبلي سوال اللاب في الاخر و متلحقش تحله او تحل نصه و تلاقي نفسك خسران 60 و 70 درجه ( دي اول غلطه انا وقعت فبها... فا خلو بالكو)

* اول لما بتخش الامتحان بيديك ورقه و قلم علشان لو حاجه تحتاج جمع او كتابه علي ورق.. و ( معاهم plugs air كده بتحطهم في ودنك عشان تمنع اي دوشه حواليك) .... ال air plugs دي اهم من الامتحان وربنا يا جماعه  .. انا ملبستهاش في الاول للاسف و كان ورايا واحده منها لله ركبتني العصبي و انا قاعد.. ولا بقيت عارف اقرا السوال ولا عارف افهمه.. .. عياط و لطم و عصبيه.. و انا مش محتاج انا داخل متكهرب بما فيه الكفايه ..

* مش كل الاسئله موجوده في الدامب و مش كل اجابات الدامب صحيحه ( الدامب مش قران يا جماااااأااااعه) .. فا ياريت وانته بتحل الدامب و لقيت سوال شاكك في خش علي جوجل و سيرش بالسوال ده و هتطلعلك اكتر من نتيجه و ناس مختلفه علي اجابات. و ممكن يكون الاجابات متشابهه ف تلاقي اكتر من وجهه نظر للاجابه و كلو شايف اجابته صح... ف ممكن تسال حد اعلي منك في المجال و هو يفيدك... و برضه انا لقيت اسئله مش في الدامب بس من خلال الشرح و فهمي ليها عرفت احلها...

* اللابات في منها نوعين... نوع بتكتب فيه ال commands بايدك من الاول للاخر ذي بتاع ال vlan و ال ospf و ده بيكون مش بيدعم التكمله.. (مش بيكملك ال commands لما تدوس علي ذرار ال tap ... و نوع تاني اللي بيكون troubleshooting و ده بيكون زرار التاب شغال عادي. ) و الاتنين بييجو في الامتحان... انا جالي 4 .. اتنين و اتنين.

* اللابات اول لما بتجيلك بيكون instructions محطوطه في. Window في نص الشاشه كده و في تحت زرار next.. اوعي تدوووووووس علييييييييييه..... انته هاتاخد بالك انه ال questiins و ال toplogy و ال routers و ال switches . موجوده كلها تحت في تابات منفصله و بتدوس علي كل واحده فيهم و تفتح معاك وتشوف ال topology و ال questions اللي عليها و تبتدي تحلها... ( خلي بالكو من دي علشان دي تاني غلطه كنت هضيع اللابات بسببها.. )

* الامتحان مكون من 53 سوال ( ده اللي جالي انا منهم 4 لابات و اتنين drag & drop.. .. ) ..........بعد ما بتدوس اخر next. ببيجيلك 10 اسئله كمان كده ده survey.... عباره عن انو بياخد رايك في الامتحان و في السنتر اللي بتمتحن فيه و حابب تدرس ايه بعد ما تخلص ال ccna و مهتم ب انهي فرع و.... اسئله كتير كده ملهاش للزمه بس بتجاوبها برضه. .. المهم يعني النتيجه بتطلعلك بعد ال 10 دول علي ال شاشه اللي برا في ال room admin .. دي بيكون فيها الراجل اللي مسئول عن الامتحان و بيديلك ورقه مكتوب فيها الدرجه بتاعتك و كل حاجه. .....

#منقول