مقال من المهندس Mohamed Maher Nasr:
مقدمة بالبلدي كدا
تخيل أنت عندك ملعب كورة من الكبير الــ هو 11-11 دا ...لو جه وقت التدريب مثلا و عاوز يقسم الفريق لمجموعات صغيرة و يعمل لهم ماتشات صغيرة و كدا...قدامه كذا حل..
1-يخلى مجموعة تنزل فى الملعب الكبير دا و تلعب و الباقيين ينتظروا برة لحد ما دول يخلصوا وهكذا..فى الحالة دي التدريب هياخد وقت أطول + الملعب مساحته هتكون أوسع من اللعيبة و هيهدر جزء كبير منه.
2-يشوف ملعب تانى للمجموعات التانية و فى الحالة دي
هيحتاج فلوس كتيرة + الملعب هيكون واسع برضه
3-ممكن يقسم الملعب الكبير دا لملاعب صغيرة عن طريق انه يحط شوية #كونزات فى الملعب و يخطط شوية خطوط تحدد مكان لعب كل مجموعة و هو تقريبا نفس الملعب وكسب وقت و متكلفش فلوس ..
الحل دا تقريبا هو فكرة الفيرشواليزيشن
طب ازاى!!
---
انت عندك جهاز كمبيوتر
Ram=8GB CPUs=i7 HD=500GB
لو انت منزل عليه اى نظام تشغيل ومشغل عليه مثلا لعبة و فاتح انترنت مثلا!..ممكن يكون المستخدم
RAM=3GB CPUs=3 Cores HD=100GB
و الباقى يعتبر متهدر
RAM=4GB CPUs=4 Cores HD=400GB
كل دا متهدر وضايع منك ومش عارف تستغله.. تخيل دا فى جهاز واحد فقط و جهاز عادى مش فى #سيرفراو #داتا_سنتر
وعشان نحل المشكلة دي ظهر لنا فكرة الـــ #Virtualization
ازاى بقي يا برنس...
----
بقي عندك الهاردوير الــ هو الجهاز بتاعك ..نازل عليه نظام تشغيل أساسي .. ونظام التشغيل نازل عليه شوية برامج ...تقوم بقي انت منزل برنامج كدا يخليك تستغل بقية الريسورسس الفاضية و تعمل بيها حاجات تانية ..البرنامج\الأبليكشن دا اسمه
HyperVisor>>> برنامج بيتسطب كدا عشان يخلينى اعمل شوية أجهزة وهمية جوة نظام التشغيل الأساسي والأجهزة الوهمية دي بتستقطع جزء من الرام و الهارد و البروسيسور بتاع الجهاز الأساسي...
وبما أنه متسطب على نظام تشغيل و يعتبر دا ضيف علي نظام التشغيل الأساسي..فدام اسمه
HardWare>>Host_OS>>HyperVisor>>Guest1
.......................................................>>Guset2
Host: دا نظام التشغيل الأساسي الـ نازل على الجهاز على طول و دا بيستضيف الجيست و بيحتويه
HyperVisor: دا البرنامج الـ هيتسطب على نظام التشغيل الهوست و يخلينى أعمل #أجهزة_فيرشوال
Guest: دا بقي المكنة او الجهاز الوهمى الــ اتعمل بالهايبرفايزور وواخد جزء من الريسورسس بتاعة الجهاز الرئيسي و دا ضيف على الجهاز الرئيسي ويتم تشغليه عن طريق الهايبر فايزور
بعد ما عملت كدا ..تيجى انت على Guest
و تسطب اى نظام تشغيل انت عاوزه بقي سواء لينكس أو يونكس أو ماك ... ويندوز لا
Host_Based_HV أمثلة لهم :
VmWare_WorkStation,Virtual_Machine_Manager,Virtual_Box and Microsoft Virtual PC.
-----
جات الناس الــ بتفكر قالت طيب أنا ليه أسطب سستم كامل و بعد كدا أسطب عليه هايبرفايزور...طيب مانا ممكن أدمج الاتنين دول وخلاص و يبقى السستم و الهايبرفايزور حاجة واحدة...و طلعوا لنا حاجة اسمها #Bare_Metal_Virtualization
من اسمها يعنى على الحديدة ..يعنى الهايبرفايزور بينزل مباشرة على الهاردوير.. و بعد كدا تسطب الـ هوستس الـ أنت عاوزها...
Hardware>>Host_HyperVisor>>Guest1
.............................................>>Guest2
من أمثلته #BareMetal_HyperVisor
Vmware_ESXi , RHEV,OVM and CITRIX…
------------
Hyper-V ,KVM and OpenVZ …
دول كدا شوية هايبرفايزورز إلى الأن الناس بتتخانق دول مصنفين تبع أنهو نوعية ...لان أصلا فيه ناس بتقول ان نوع الهايبرفايزور دا بيختلف تبعا لــ"هل الهايبرفايزور دا..بيكلم جزء أو مديول فى الكرنال معين كدا ولا لا" حتى لو كان بينزل بعد الهوست...
----
انا ليه من الأساس أصلا بستخدم الفيرشوالزيشن دي!!
1-توفير فلوس و ريسورسس كتير
2-هتسمح لى أجرب أى حاجة من غير ما أغير أو أهلك الهاردوير بتاعي
3-هتسهل عليا نقل الداتا وعمليات الباك أب و الريستور
و حاجات تانية كتيرة بقي-
قريب جدا قالك ممكن احنا يكون عندنا
......................................>>OS_Guest 1>>Application
Hardware>>HyperVisor >>OS_Guest 2>>Application
......................................>>OS_Guest 3>>Application
قالك بقي لو الGuset_OS
متكرر و الفرق بس فى الابليشكن الموجود ...
ممكن احنا نشيل الكلام دا كله ونوفر ريسورسس و نخلى نظام تشغيل واحد للكل وخلاص ونوفر أكتر واكتر و دا هنتكلم عنده بعدين ان شاء الله
----
البوست دا اختصار الاختصار
واتمني ميكونش اخل بالموضوع
وفيه انواع تانية من الفيرشواليزيشن انا ما جبتش سيرتها ممكن تجوجل عليها
http://www.vmman.me
هذا الفيديو يشرح بتفاصيل أكثر باللغة العربية
هذا الفيديو يشرح بتفاصيل أكثر باللغة الأنجليزية
No comments:
Post a Comment